ِThings to avoid in CV

ِThings to avoid in CV

Sponsored Links

ِThings to avoid in CV

ايه اكتر حاجة ال HR بيكره يشوفها فى ال C.V بتاعك ؟

من واقع خبرة شخصية فى ال Recruitment وبالكلام مع ناس كتير من نفس المجال دى اكتر حاجات اى HR بيكره يشوفها فى ال C.V بتاعك وهيكون رد فعله زى فى الصورة كده بالظبط 😀

فمنفضلك متعملش الاتى:

1- الالوان
بلاش تعامل ال C.V على انه كراسة رسم وتستخدم الوان الطيف فى كتابة ال C.V بتاعك وبلاش الوان اصلا كفاية ابيض واسود لان ده دليل على انك شخص مش محترف. “الا لو مستخدم Info graphic CV” معمول بأحترافيه

2- اكتر من صفحتين:
بشوف ناس كتير ال C.V بتاعها اكتر من تلاته واربع صفحات وفى منهم حديثى التخرج مع ان التميز انك تعرض نفسك فى مساحة قليلة لان ال HR معندوش وقت يقرا كل ده فا خليك محدد ومتكتبش حاجة ملهاش علاقة بالوظيفة وحاول تخلى ال C.V بتاعك صفحة واحدة بس 🙂

3- ال Fonts المختلفة:
ال C.V عبارة عن اعلان عايزه يشد العين ويكون سهل فى قرائتهوفى ناس كتير بتستخدم احجام وانواع مختلفة من ال Fonts فى ال C.V وده بيصعب على اى حد ان يقرا الكلام بوضوع حاول تختار نوع خط واحد وحجمين مختلفين فقط.

4- صورة Unprofessional:
انك تبقى حاطط صورتك وانت واقف بعيد او متصور بجمبك او وانت مش واخد بالك مثلا يعنى smile emoticon او اى مظهر مش مناسب انى اشوفه وانا باخد قرار اعينك ولا لآ فا ابوس ايدك ريحنى وريح نفسك ومتحطش صورة اصلا غير لو اطلب منك ده ولو فكرت تحط حط صورة لوشك وانت مبتسم 🙂

5- ودى بقى الاقوى:
ساعات بشوف ناس كويسة جدااا وعندها مؤهلات ممتازة وفى الاخر الاقى حضرتك ناسى تكتب بياناتك الشخصية اللى اقدر اوصلك بيها او مثلا حاطط رقم تليفون او ايميل غلط او يبقى الايميل بتاعك زى كده
…..@Hamada_El-Lol

دى حاجات بسيطة من اللى ناس كتير بتشتغل فى ال HR بتشوفها وبيبقى سبب مقنع جداااا فعلا انى ارفضك,
ال HR مش شرير اوى زى ما انتوا فاكرين بس انت متديهوش سبب انه يتحول عليك

شارك بتعليقك

Sponsored Links

شاهد أيضاً

The Demographic Profile of Egypt

The Demographic Profile of Egypt يعني أيه Demographic Profile ??  المصطلح ده بيهم الناس اللي …